Нестерева Анна Григорьевна,
Куприянова Натали Алексеевна
Таатта улууһунааҕы
Г.Д.Бястинов-Бэс Дьарааһын аатынан
Чымнаайы орто оскуолатын
алын сүһүөҕүн учууталлара
Суолтата: билигин аныгы ньымалар (цифровой технология) кэмигэр үөрэнээччи кыра сааһыттан телефону, планшеты тутан улаатар буолан, тэбис тэҥҥэ сайдан иһэр. Ону кытары билэрэ-көрөрө элбиир. Ол иһин билиҥҥи үйэ көлүөнэтин оскуолаҕа учуутал да буоллун, дьиэҕэ төрөппүт да буоллун – оҕо болҕомтотун улаханнык тардыбат буолла. Ону кытары оҕо саҥаны уонна солуну ирдиир буолла. Бу кыһалҕаттан сиэттэрэн, оскуола үлэһиттэрэ саҥа үйэни кытары тэҥҥэ хаамаары, оҕо сайдыылаах уонна үөрэххэ тардыһыылаах буоларын туһугар, саҥа ньымалары элбэхтик туһанар буолла.
Сыала: аныгы технологиялары үөрэх эйгэтигэр туттан, оҕо болҕомтотун тардыы уонна сайыннарыы.
Учуутал үлэтин чэпчэтэн, ону таһынан туһалаах уонна туттуллар буоллун диэн, үлэбитигэр туттуллар сервистарбытын киллэрдибит
.
Ол курдук, билигин урок аайы сорудахтаах үлэлиир лиистэри оҕолорго толотторор буоллубут. Үлэлиир лиис (рабочий лист) диэни учуутал бэйэтэ үөрэтэр оҕолоругар, урок тематыгар сөп түбэһэр гына оҥорон толотторор. Бу сорудахтарын талан, таҥан оҥороруу элбэх үлэттэн тахсар.
Онон учуутал үлэтин чэпчэтэн, ОБУЧАЙ https://obuchai.com диэн сайты билиһиннэрэбит Манна учуутал киирэн бэйэтин оҕолоругар, кылааһыгар биитэр урогар табыгастаах үлэлиир лиистэри, сорудахтары оҥорон таһаарыан сөп.
АЙЫЫ СИРЭ 2.0 бот @AIYKT_BOT – бу Телеграмҥа баар боту бэйэбит биир дойдулаахпыт Власий Гаврильевич Вырдылин – Саҥарар Былаас оҥорон таһаарбыт. Бу бот тугу сатыырый? Сахалыы ИИ көмөлөһөөччү, бу бот сахалыы тылынан эҕэрдэлэри, урок хаамыытын, үлэлиир лиистэри, сорудахтары уо.д.а. оҥорон ыытар. 
НОВАЯ АЛИСА AI – бу нейросетка киирэн о5олор уруһуйдарын, хаартыскалары хамнатан тыыннааҕымсытыахха сөп.
Бу үөһэ ыйыллыбыт ИИ көмөлөһөөччүлэр сүрүн уратылара диэн:
-
үлэлииллэригэр ВПН ирдээбэт;
-
туттарга судургу;
-
учуутал үлэтин чэпчэтэр;
-
оҕо болҕомтотун тардар;
-
толкуйдуур, айар-тутар дьоҕурун сайыннарар.
